- Hy gaan 8 400 jaar sit vir seksdade met kinders
- Hy is skuldig bevind op 1 010 aanklagte van die verkragting
- Skuldig bevind van 1 007 aanklagte van die besit, skep en verspreiding van kinderpornografie
________________________________________________________________________________________
’n Welkom-man is tot 8 400 jaar tronkstraf gevonnis vir seksuele misdrywe waarby kinders betrokke is.
Mario Guisti (36) is skuldig bevind op 1 010 aanklagte van die verkragting van twee seuns, een aanklag van mensehandel en 1 007 aanklagte van die besit, skep en verspreiding van kinderpornografie.
Sy naam is in die register van seksuele oortreders opgeneem en hy is ongeskik bevind om met kinders te werk.
Mario Guisti (36) is skuldig bevind op 1 010 aanklagte van die verkragting van twee seuns, een aanklag van mensehandel en 1 007 aanklagte van die besit, skep en verspreiding van kinderpornografie.
Sy naam is in die register van seksuele oortreders opgeneem en hy is ongeskik bevind om met kinders te werk.
Kapt. Bez Bezuidenhout van die provinsiale reeks- en elektroniese misdaadondersoekeenheid (SECI), ’n gespesialiseerde afdeling binne die eenheid vir gesinsgeweld, kinderbeskerming en seksuele misdrywe (FCS), het die verdagte in hegtenis geneem.
Guisti is deur Interpol vir die oplaai van seksuele aanranding van kinders (CSAM) materiaal op die donkerweb, gemerk.
Die ondersoekspan, bestaande uit Bezuidenhout, kapt. Fanie van der Merwe van die Thabong FCS-eenheid en AO Pieter de Wahl van die provinsiale eenheid vir die plaaslike kriminele rekordsentrum, het onvermoeid gewerk om die inligting wat van Interpol ontvang is, te ontleed.
Hulle het eers net foto’s van Interpol ontvang en deur die oë van ’n gesoute speurder was ’n vingerafdruk op een van die betrokke foto’s sigbaar. Deur die ontleding van die vingerafdruk kon hulle die verdagte identifiseer.
Soos die ondersoek ontvou het, is die verdagte opgespoor en in Augustus 2022 in Welkom in hegtenis geneem. Daar is op sy elektroniese toerusting vir ontledings beslag gelê.
Die verdagte, wat ’n rekenaarprogrammeerder is, het die seuns, wat hy verkies het om tussen agt en tien jaar oud te wees, met rekenaarspeletjies gelok. Die ouers van die slagoffers het hom vertrou en die kinders toegelaat om by sy huis oor te bly, en gedink hulle speel speletjies. Hy het selfs een van die slagoffers gekry om al die pad van Durban na hom toe te kom en maande lank by hom te bly.
