‘n Man is in hegtenis geneem na ‘n beweerde skietvoorval in Doorn, Welkom.
Daar word beweer dat lede verbonde aan die teen-bende-eenheid in Welkom op Dinsdag 24 Junie misdaadbestrydingspligte in dié woonbuurt uitgevoer het.
“Terwyl hulle in die omgewing van Doorn was, het lede verskeie skootklappe gehoor. Hulle het die gebied vinnig gekontroleer om vas te stel waar dié skote vandaan kom. Hulle het op die beweerde verdagte afgekom wat ‘n vuurwapen in sy hand gehou het. Hy is takties genader en ontwapen. Niemand het enige beserings tydens die voorval opgedoen nie. Hy het die polisie vertel dat hy probeer het om iemand wat hom beledig het, bang te maak,” sê sers. Palesa Thabana, woorvoerder vir die polisie in Lejweleputswa.
‘n Voorlopige ondersoek het aan die lig gebring dat die vuurwapenlisensie verval het. Die polisie het een spesiale handwapen, spesiale patrone en skerp ammunisie gekonfiskeer.
Die 59-jarige verdagte is daarna in hegtenis geneem. Hy staan tereg op aanklagte van die afvuur van ‘n vuurwapen in ‘n munisipale gebied, versuim om ‘n vuurwapenlisensie te hernu, en die besit van ammunisie.
You must be logged in to post a comment.