Die organisasie Atletiek Suid-Afrika (ASA) het Maandag (16/03) aangekondig dat alle atletiekbyeenkomste, ongeag op watter vlak, vir 30 dae opgeskort is.
Dit volg nadat pres. Cyril Ramaphosa Sondag (15/03) ’n nasionale noodtoestand weens die koronavirus verklaar het.
Streng voorsorgmaatreëls is in plek gestel om die virus te bestry.
ASA het ’n verbod op verskeie byeenkomste geplaas:
* Alle atletiek in skole insluitend die ASA-nasionale skolekampioenskappe is uitgestel.
* Provinsiale en klubaktiwiteite, pretlope, parkruns, padwedlope, landloopbyeenkomste, veldwedlope en baan- en veldatletiekbyeenkomste is gestaak
