Binne drie dae het die Lejweleputswa-polisie toegeslaan op dwelmhandelaars en gemeenskapslede wat gepeupel geregtigheid uitgespreek het oor ’n vermeende dief.
Die polisie het op 21 April een ??van twee vermeende inbraakverdagtes van woedende inwoners gered. Die twee is daarna in hegtenis geneem.
Lede van die Welkom Openbare Orde Polisiëring (POP), onder leiding van WO Thabo Booy, was op pad na die Vuyo Charles-stadion, Thabong, om die Inkatha Freedom Party-saamtrek te monitor toe hulle die woedende skare opmerk wat in 2010 Village in Thabong vergader het.
Die inwoners het beweer dat die man wat hulle beskuldig het by iemand se huis ingebreek het en ’n selfoon en skoene gesteel het.
“Die inwoners is gemaan om nie die reg in eie hande te neem nie, anders sal hulle in hegtenis geneem word,” sê kapt. Stephen Thakeng, mediaskakelbeampte vir die Lejweleputswa-polisie.
“Hy is gered en het vrywillig aan die polisie gewys waar hy die ander gesteelde items verkoop het. Die tweede verdagte is met die vermoedelik gesteelde items gevind. “Die eerste verdagte (26) is gearresteer vir huisbraak en diefstal, en die tweede verdagte (28) is aangekla vir die besit van vermoedelik gesteelde items. Daar is beslag gelê op skoene en ’n selfoon,” sê Thakeng.
Lede van die Welkom-polisie se anti-bende-eenheid het ook op 21 April inligting oor dwelms in Phomolong, Hennenman, opgevolg.
Hulle het ’n 38-jarige man vir die besit van dwelms in hegtenis geneem naday daar by hom 67 volle-, sewe halwe- en 19 kwart Mandrax dwelmtablette, en 20 kristal meth sakkies en kontant gekry is.
By ’n ander huis het die polisie ’n 37-jarige man met 12 volle Mandrax-tablette, en kontant in sy besit, in hegtenis geneem.
Lede van die Welkom anti-bende-eenheid het op 20 April in die K9-afdeling Kutloanong ’n geïdentifiseerde huis waar dwelms na bewering verkoop word deursoek.
Die hek was gesluit en die mans wat buite die huis gestaan ??het, het ’n lasbrief geëis. Binne die huis het ’n vrou probeer om die dwelms in die plafon weg te steek, maar sy is op heterdaad betrap waarna dwelms in die deurkosyn gevind is.
Die polisie het mense van 37, 39 en 45 jaar in hegtenis geneem vir die besit van 79 heroïensakkies en een heroïenbal wat 41,5 g weeg.
Die eenheid is toe na ’n huis in K6-afdeling, Kutloanong, waar ’n 40-jarige in hegtenis geneem is vir die besit van twee heroïensakkies.
