’n Baanbreker-samewerkingsprojek om slaggate in die Vrystaat aan te pak, is geloods.
Die Vrystaatse departement van gemeenskapsveiligheid, paaie en vervoer in vennootskap met die Sentrale Universiteit vir Tegnologie (SUT), het dié inisiatief van stapel gestuur om die kwessie van slaggate op die provinsie se paaie aan te pak.
Dié projek fokus op bemagtiging en die skep van vaardighede en werksgeleenthede vir ongeskoolde vroue en jeugdiges, terwyl dit ook paaie herstel en infrastruktuur-uitdagings aanspreek.
Sedert sy bekendstelling in November 2023, het dié projek reeds meer as 550 werksgeleenthede geskep, met ’n teiken van 650 teen Februarie 2024.
Aanleg is alreeds aan die gang in al vyf distrikte van die provinsie, met padgedeeltes in Mangaung, Xhariep, Lejweleputswa, Thabo Mofutsanyana en Fezile Dabi wat aandag geniet.
Die projek se doelwit is om gedeeltes van 70 000 m² se paaie teen Maart 2024 te herstel. Die projek plaas ook sterk klem op die uitruil van vaardigheidsopleiding en kennis, wat 650 leerders van opleiding wat deur die opleidingsowerhede vir bouwerk (CETA) geakkrediteer is, voorsien. Die deurlopende navorsing wat gedoen word, sal verseker dat die oplossings wat vir langtermyn-padinstandhouding geïmplementeer word, volhoubaar is.
Hierdie slaggat-program is ’n goeie voorbeeld van die positiewe impak van samewerking, kundigheid en gemeenskapsbemagtiging.
Die inisiatief belê in infrastruktuur en mensehulpbronne, en lei nie net tot verbeterde padtoestande nie, maar ook ’n meer voorspoedige toekoms vir alle Vrystaatse inwoners.
.
