Rondloperbeeste wat ‘n gevaar vir voetgangers en motoriste in veral Bultfontein geword het, skep nou ‘n groeiende krisis, en daad-werklike optrede word nou van inwoners geëis.
“Ek het maande lank die dringende behoefte aan ‘n skut- of hougerief in Bultfontein beklemtoon om die groeiende krisis van rondloperbeeste te hanteer,” sê DA-raadslid Estelle Pretorius.
“Die saak is al verskeie kere voor die burgemeester gebring, in Exco-vergaderings en in volle raad, maar die pleidooie is deurgaans geïgnoreer.”
Pretorius sê sy gaan aan die munisipale bestuurder skryf ná talle klagtes.
“In plaas daarvan om dringend te reageer, het die burgemeester op my geskree en blatante minagting vir die erns van hierdie kwessie getoon. “
“In plaas daarvan om dringend te reageer, het die burgemeester op my geskree en blatante minagting vir die erns van hierdie kwessie getoon.
“Rondloperbeeste skep nie net ongerief nie; hulle skep daagliks ‘n gevaar.
“Om die rondloperbeeste te hanteer is veral van kritieke belang aangesien nasionale paaie deur gebiede naby die informele nedersetting in Bultfontein loop, waar vee vrylik rondloop.
“Talle ongelukke is reeds aangemeld, wat motoriste en voetgangers in gevaar stel,” sê sy.
Pretorius het al eerstehands met die gevaar te doen gekry toe haar voertuig teen ‘n bul gebots het wat langs die pad geloop het.
“Dit het reg voor my voertuig ingespring.”
“Dit het reg voor my voertuig ingespring,” sê sy.
Sy sê inwoners vra vir die dringende vestiging van ‘n ten volle funksionele skut in Bultfontein; die behoorlike omheining van en toepassing van beheermaatreëls in hoërisikogebiede; die afdwinging van bestaande verordeninge; en dat aanspreeklikheid deur nalatige vee-eienaars aanvaar word.
“Openbare veiligheid kan nie langer in die gedrang gebring word nie.
“Die lewe van ons inwoners is op die spel, en die tyd vir optrede is lankal verby,” sê Pretorius.
