Die departement van gemeenskapsveiligheid, paaie en vervoer wil die inwoners van Odendaalsrus inlig oor die toetsstasie wat nou oop is vir gebruik.
Dié verkeersafdeling was vir twee jaar gesluit.
Dit is opgeknap en toe gevandaliseer voordat dit weer oopgemaak is.
Inwoners is gedwing om na Welkom te reis omdat dié sentrum die enigste een was wat dienste kon lewer.
Die kantoor het nou na Kalkkuillaan 90, Odendaalsrus, in die Landbougebou geskuif. Die departement sal die inwoners op hoogte hou van die verwikkelinge en verskeie beskikbare dienste by dié stasie.
Die stasie sal kan help met dienste en transaksies wat motorvoertuigverwant is, maar nog nie vir leerders en bestuurders se aansoek nie.
