In Welkom begin die rugbykoors jonk.
Die naweek van 25 Mei het een o.6-span, twee o.7-spanne, en ’n o.9-span van die Future Griffons-rugbyprogram aan ’n rugby dag in Hoopstad deelgeneem en het sewe van hul tien wedstryde gewen.
Dié bulletjies het teen Grey College en Hoopstad gespeel.
“Ons het die naweek met ’n o.6-span, twee o.7-spanne en ’n o.9-span gespeel,” sê Nico Els, een van die afrigters.
Die o.6-span het teen Hoopstad gespeel, en die wedstryd gewen. Die o.7-spanne het in total sewe wedstryde gespeel teen Hoopstad en Grey College. Hulle het vyf van die sewe gewen.
Die o.9-span het teen Hoopstad en Grey College gespeel en het altwee wedstryde gewen.
“Wat dit so wonderlik maak is elke kind in die span is van ’n ander skool af en ons het glad nie tyd om saam te kan oefen nie die manne kom bymekaar die oggend van die wedstryde,” sê Els, van sy bulletjie-rugbyspelers.
