Presteer met trots

Tamsin Parsons, kaptein van Welkom-Gimnasium se eerste meisiehokkiespan:
Saterdag is nie sommer net nog ‘n wedstryd nie. Dis die derby – die dag waarvoor ons geoefen het, gesweet het en saam gegroei het as ‘n span. ‘n Dag waar tradisie, trots en passie alles bymekaar kom op een veld.
Aan my span: Julle is my mense. Ek het elkeen van julle sien groei – in vaardigheid, in karakter en in vertroue. Kom ons gee ons alles. Moenie net speel vir die wen nie – speel vir die naam op julle rug, die spanmaat langs jou, en vir die eer van ons skool.
Aan ons afrigters: Dankie dat julle in ons glo, ons vorm en ons lei met vasberadenheid en visie. Elke oefensessie, elke moeilike les, elke strategiese besluit het ons gereed gemaak vir hierdie oomblik. Saterdag speel ons met waardering vir alles wat julle in ons belê het.
En aan ons ouers en ondersteuners: Julle is ons stille krag. Elke opoffering, elke skree van die kantlyn af, elke ondersteunende woord – dit gee ons vlerke. Dankie dat julle ons dra, deur die oorwinnings én die moeilike dae.