Die Matjhabeng- plaaslike munisipaliteit het vir sy inwoners ontaard in ’n diensleweringsnagmerrie.
“Aanvanklik was die vertragings in dienste bloot ’n ongerief vir inwoners, wat voortspruit uit óf die gebrek aan dienste óf swak uitgevoer pogings deur amptenare. As gevolg van die munisipaliteit se swak finansiële bestuur en die uitvoerende leierskap se politieke grootheid, bevind inwoners hulle egter nou in ’n lewensgevaarlike situasie, met die administrasie in absolute chaos,” sê Igor Scheurkogel, raadslid in Matjhabeng.
“Odendaalsrus het verlede week kragonderbrekings wat veroorsaak is deur ’n kabel wat gebrand het, ervaar.
Dít was veroorsaak deur verbrokkelende infrastruktuur as gevolg van die gebrek aan gereelde instandhouding.
“Inwoners van De Kock- en Van Der Waltstraat in hierdie woonbuurt moes drie dae wag vir hul elektrisiteit om herstel te word. Dit was as gevolg daarvan dat die enigste funksionele hystoestel, ook bekend as ’n kersieplukker, vanaf Ventersburg ingebring moes word. Ongelukkig het sommige inwoners steeds onderbrekings in die gesig gestaar, en ’n sloot oorkant De Kockstraat is oopgelaat,” gaan Scheurkogel voort.
Berigte van inwoners dui daarop dat die sloot ’n gevaar vir padgebruikers en leerlinge van die Laerskool Odensia, wat reg langsaan geleë is, inhou. Die munisipaliteit het nagelaat om die sloot toe te maak of enige waarskuwingstekens aan te bring om mense van die ontoeganklikheid daarvan te waarsku, veral in die nag wanneer sigbaarheid benadeel word weens die gebrek aan straatligte. Scheurkogel sê dit het ten minste een motorongeluk tot gevolg gehad.
Ten spyte van herhaalde waarskuwings vanaf raadslede tydens raadsittings, het die uitvoerende burgemeester en munisipale bestuurder die finansiële krisis en algehele wanorde binne die munisipaliteit oor die hoof gesien.
“Die situasie het nou eskaleer tot die punt waar inwoners se lewens in gevaar gestel word weens die munisipaliteit se onvermoë om noodsaaklike take vir dienslewering uit te voer,” sê Scheurkogel.
Hy sê hulle sal die munisipale bestuurder formeel toespreek en daarop aandring dat diegene wat verantwoordelik is, die gevolge in die gesig staar as hulle nie voldoende maatreëls implementeer om die gemeenskap se veiligheid rondom die terrein waar elektrisiteit herstel is, te verseker nie.
