Leerlinge in die Welkom-streek is bekroon nadat hulle hul merkwaardige en innoverende navorsingsprojekte suksesvol by vanjaar se Vrystaatse streeksfinaal van die Eskom-ekspo vir Jong Wetenskaplikes uitgestal het.
Altesaam 138 leerlinge in Gr. 4 tot Gr. 12 van die streek het byeengekom om hul navorsingsprojekte by die geleentheid wat op 11 en 12 Augustus by die Sentrale Universiteit van Tegnologie (SUT) se Welkom-kampus gehou is, aan te bied.
Die evaluering van die 115 projekte wat uitgestal is, is uitgevoer deur 38 beoordelaars bestaande uit opvoeders, spesialiste, skoliere en ywerige ondersteuners van die Eskom-ekspo.
Anina Nel, streekdirekteur van die wetenskap-ekspo, het die merkwaardige prestasies van die deelnemers beklemtoon en gesê dat hul uitsonderlike prestasie hul toewyding, nuuskierigheid en innoverende denke bewys.
“Dit is bemoedigend om die entoesiasme en passie te aanskou wat hierdie jong geeste na die gebied van wetenskap en tegnologie bring.”
Nel sê hulle is dankbaar aan die borge, die SUT, Anelle Gouws Makelaars en Aquelle Viv Water, wie se onwrikbare toewyding ’n deurslaggewende rol speel in die dryf van wetenskap, tegnologie, ingenieurswese, wiskunde (STEM) aktiwiteite binne die streek.
“Hul ondersteuning bemagtig hierdie ontluikende wetenskaplikes om die grense van kennis te verken, te eksperimenteer en te verskuif. Kom ons gaan voort om hierdie jong wetenskaplikes se prestasies te vier en hul potensiaal te koester terwyl hulle ‘n reis aanpak wat eendag tot baanbrekende ontdekkings en vooruitgang vir die verbetering van ons land kan lei,” het Nel bygevoeg.
By die toekenningseremonie is twee besonderse jong wetenskaplikes met die gesogte Eskom spesiale toekennings bekroon. Die leerders wat Bluetooth-luidsprekers ontvang het, was:
• Beste projek deur ’n vroulike deelnemer: Karmini Visser van Welkom-Gimnasium; en
• beste energieprojek: Kganyo Makapane van die Hoërskool Hentie Cilliers.
Ander spesiale pryse is toegeken, insluitend ’n 3D-gedrukte trofeë aan senior leerlinge en ’n goue trofeë aan junior leerlinge. Die volgende is toegeken:
• beste Gr. 4-leerling: Madeleine Pretorius en Hanno van Jaarsveld van Laerskool Naudeville;
• beste Gr. 5-leerling: Leila Erasmus van die Welkom Volkskool;
• beste Gr. 6-leerling: Karlien van Jaarsveld van Laerskool Naudeville;
• beste ingenieursprojek: Karmini Visser van Welkom-Gimnasium;
• beste energie-projek: Kganyo Makapane van Hentie Cilliers;
• beste samesmeltende-projek: Nyakallo Mbongo van Welkom-Gimnasium
• beste biomediese en mediese wetenskappe-projek:Nthabeleng Mokhathi en Rethabile Motsumi van die Makeleketla Primêre Skool; en
• beste sosiale wetenskappe-projek: Seabi Moroe van St Andrew’s Welkom.
Altesaam 25 leerders het bronsmedaljes ontvang, 19 met silwer bekroon en 17 het goue medaljes ontvang.
Leerlinge van St. Andrew’s Welkom het veral die hoogste aantal goue medaljes en algehele medaljes by die byeenkoms behaal.
Parthy Chetty, uitvoerende direkteur van die ekspo, het gesê die uitstalling se bevordering van STEM-vakkeuses op skoolvlak word geïllustreer deur die belangrike rol wat hierdie geleentheid speel.
“Dit bied nie net ’n platform vir talentvolle jong wetenskaplikes om hul innovering ten toon te stel nie, maar stel hulle ook bloot aan ’n wêreld van opwindende loopbaangeleenthede in diverse wetenskaplike velde.”
Vir datums en lokale van toekomstige wetenskapuitstallings, klik op die skakel:
