Jong Goudveld-kunstenaars vereer vir werke

Tydens die Oktober-skoolvakansie het die kunsafdeling van die Goudveld Kunste Akademie aan Talent Africa se nasionale ronde onder die kreatiewe kuns-kategorie deelgeneem.

Onder leiding van kunsonderwyser Lana Combrinck (ArtC) is 31 kunswerke ingeskryf.

Christine Bekker is onder die top vyf junior kunstenaars. Foto: Verskaf

Kaydene Keyser is in die junior-afdeling vir beste tegniek vereer. Foto: Verskaf

Lené van Lingen in die junior-afdeling vir die beste konsep vereer. Foto: Verskaf

Melissa Ross is in die senior-afdeling vir beste tegniek vereer. Foto: Verskaf

Ryan Martin is in die senior-afdeling vir die beste konsep vereer. Foto: Verskaf

Josh Hewitt is beste senior kunstenaar vir 2023 aangewys.Foto: Verskaf

Cadi Fourie is onder die senior top vyf kunstenaars. Foto: Verskaf

Amy-Rose Castro is as beste junior kunstenaar vir 2023 aangewys. Foto: Verskaf

Die studente het 14 silwermedaljes (70-79%), 12 goue medaljes (80-84%), drie platinummedaljes (85-89%) en twee diamantmedaljes (90% +) ontvang. Vier van dié studente was onder die top vyf in die junior-kategorie van die kreatiewe kuns-afdeling.

Kaydene Keyser het beste tegniek-afdeling gewen en Lené van Lingen het beste konsep gewen.

Amy-Rose Castro het beste junior kunstenaar vir 2023 gewen.

Vier van die studente was onder die top vyf in die senior-kategorie van die kreatiewe kuns-afdeling.

Hier het Melissa Ross die beste tegniek-afdeling gewen, Ryan Martin het beste konsep-afdeling gewen en Josh Hewitt is as beste senior kunstenaar vir 2023 aangewys.