Die o.21-Griffonspan volg in sy ouboet se voetspore.
Dié span het die liga onoorwonne afgesluit en die SWD Arende met 53 – 25 geklop. Hulle het ook die Pumas met 46 – 36 geklop.
Die senior span speel ook nie tweede viool nie, en wys hy sal sy kant kan bring in die Premier-liga volgende jaar.
Dié span het tydens die oefenwedstryde op 22 en 28 September in Welkom onderskeidelik die Griekwas (24 – 14) en die Pumas (17 – 7) geklop.
Hierdie twee spanne was verlede jaar se finaliste in die Carling Curriebeker-toernooi.
Saterdag (08/10) om 14:00 pak hulle die OP Olifante in die halfeindronde in die HT Pelatona-stadion in Welkom.
– Chris Krause
