’n Landelike veiligheidsoperasie is deur Bultfontein, Hoopstad en Wesselsbron se landelike veiligheidskoördineerders en boere gehou.
Die doel van dié optrede wat op 22 April van 22:00 tot 00:00 plaasgevind het, was om vee- en koperdiefstal te voorkom en om stop-en-deursoeking-optredes te hou.
Polisielede in aksie tydens ’n voertuigkontrolepunt in Bultfontein.Foto: SAPD
Polisie deursoek voertuie en trokke tydens ’n gesamentlike optrede by Bultfontein. Foto: SAPD
Buiten beter sigbaarheid van polisielede, was misdaadbekamping suksesvol uitgevoer en nege persone en nege voertuie is deursoek.
Geen veediefstal is tydens en ná die operasie aangemeld nie.
