Lede van die Welkom K9-eenheid het op dwelms van meer as R200 000 beslag gelê.
Terwyl lede van die misdaadintelligensie-eenheid Vrydag ’n padversperring by ’n verkeerslig in Koppie Alleen-weg in Welkom, op pad na Riebeeckstad, bedryf het, het die K9-eenheid ’n bekende dwelmhandelaar in ’n wit Toyota Tazz met Vrystaatse nommerplate opgemerk.
Die polisielede het die voertuig deursoek en 509 g tik en 99 g kokaïen-kristale van R251 700 gevind.
’n Man (38) is vir die besit van dwelms in hegtenis geneem en sou Maandag na verwagting in die Welkomse Landdroshof verskyn.
