Inwoners van Matjhabeng word gewaarsku teen ’n man wat hom as ’n werknemer van die munisipaliteit voordoen en dan vra dat dienstegeld verskuldig aan hom betaal word.
Die man, bekend as Jacob Moon, beweer dat hy in diens van die munisipaliteit se elektriese afdeling is en dreig om hul water- en elektrisiteitstoevoer te ontkoppel.
Enigeen met inligting oor die verdagte word versoek om supt. Bokvel Pietersen van Matjhabeng se direktoraat vir openbare veiligheid by 076-790-7538 te bel, die Matjhabeng-munisipaliteit by 057-391-3911 of die Stop Misdaad-wenklyn by 08600-10111.
