’n Man is in hegtenis geneem nadat die lyk van sy vrou met steekwonde by ’n informele nedersetting by Bothaville gevind is.
Op Woensdag 3 Julie omstreeks 16:20 het ’n man by die Bothaville-polisiestasie aangekom en beweer dat hy polisiehulp nodig het aangesien sy vrou in ’n plas bloed naby die Mezwinking-nedersetting lê.
Die polisie en nooddienste is na die toneel, en die 28-jarige slagoffer is op die toneel dood verklaar het.
Voorlopige ondersoeke het gelei tot die inhegtenisneming van die 29-jarige man vir die moord van sy vrou. Die vrou is gevind met veelvuldige steekwonde.
Die ondersoeke duur voort, en die verdagte sal binnekort in die hof verskyn.
